சுபத்ரா பேசுறேன்..

இன்னைக்கு ஒரு interesting topic பேசப் போறோம் :) நீங்க இப்போ அவசரத்துல இருந்தா நிதானமா இருக்குற வேறொரு சமயத்துல இதைப் படிங்க . ஒரு பனி காலையிலோ மழை மாலையிலோ குளிர் இரவிலோ கையில் சூடான தேனீர்க் கோப்பையோடு உங்கள் காதலன் ( அ ) கணவன் அல்லது காதலி ( அ ) மனைவியை நினைத்துக்கொண்டே படித்தல் நலம் :)

Click to view large & clear இந்தியக் குடிமைப் பணிகளுக்கான தேர்வு .. அதாங்க , ஐ . ஏ . எஸ் . பரீட்சை . அந்தப் பரீட்சையின் முக்கியத் தேர்வில் நிறைய மாற்றங்களைக் UPSC கமிஷன் கொண்டு வந்ததிலிருந்து நாடு முழுவதும் ஒரே சலசலப்பு .   பிராந்திய மொழிகள் சம்பந்தப்பட்ட விஷயங்களில் நிறைய கட்டுப்பாடுகளை விதித்ததால் நிறைய எதிர்ப்புகள் வந்த வண்ணம் இருக்க , ஏற்கனவே தாமதமாக வந்த அறிக்கை hold செய்யப்பட்டது .

இந்த வருடத்திற்கான இந்தியக் குடிமைப் பணிகளுக்கான தேர்வுக்கான அறிவிப்பை UPSC நேற்று வெளியிட்டது . ஏறத்தாழ 1000 பணியிடங்களுக்கான இந்தத் தேர்வுக்குப் பட்டப்படிப்பு முடித்தவர்கள் விண்ணப்பிக்கலாம் . வேறு சிறப்புத் தகுதிகள் எவையும் தேவையில்லை . தேர்வில் தோன்றுவதற்கான வயது வரம்பு , தேர்விற்கான பாடத்திட்டம் , தேர்வு மையங்கள் போன்ற தகவல்களை அறிவிப்பைப் படித்துத் தெரிந்து கொள்ளலாம் .

ஐ . ஏ . எஸ் . தேர்வுக்கு இந்திய மொழிகள் சிலவற்றில் ஏதாவது ஒன்றை ஒரு முக்கியப்பாடமாக எடுத்துப் பரீட்சை எழுதலாம் . அவ்வாறு கொடுக்கப்பட்டுள்ள மொழிகளின் பாடத்திட்டங்களைப் பரவலாகப் படித்துப் பார்த்தபோது , தமிழுக்கு இருக்கும் ஒரு சிறப்பு புலப்பட்டது . உங்க எல்லாருக்கும் தெரிஞ்சதுதான் அது . என்னன்னா , தமிழில் மிக மிக த் தொன்மையான இலக்கியங்கள் இருப்பது தான் ! தொன்மையான இலக்கியங்கள்னு சொன்ன உடனே நம் நினைவுக்கு வருவது “சங்க இலக்கியங்கள்” . 

ஐ . ஏ . எஸ் . தேர்வில் தமிழை ஒரு பாடமாக (optional subject) எடுப்பவர்களுக்கு என்ன பாடங்கள் (syllabus) கொடுத்திருக்கிறார்கள் என்று தெரிந்து கொள்ள ஆர்வமாக இருக்கிறீர்களா ? பொதுவாக இந்தப் பாடங்கள் இணையத்தில் ஆங்கிலத்தில் தான் அதிகம் கிடைக்கின்றன . தமிழில் தேடுபவர்களுக்காக இது :-) நண்பர்களுக்கு ஒரு வேண்டுகோள் – இதில் வரும் பாடங்களில் நல்ல materials கிடைத்தால் சிரமம் பாராமல் எனக்கு subadhra23@gmail.com மின்னஞ்சல் அனுப்புங்கள் .. ப்ளீஸ் .   தமிழ் முதல் தாள் UPSC Tamil optional syllabus Tamil I paper பிரிவு -A பகுதி : 1 தமிழ் மொழி வரலாறு முதன்மையான இந்திய மொழிக் குடும்பங்கள் - இந்திய மொழிகளுக்கிடையே பொது நிலையிலும் சிறப்பாக திராவிட மொழிகளிடையிலும் தமிழ்மொழி பெருமிடம் - திராவிட மொழிகளின் வகைப்பாடும் அவை பரவியுள்ள தன்மையும் . சங்ககாலத் தமிழ் - இடைக்காலத் தமிழ் – பல்லவர் காலத் தமிழ் மொழி அமைப்பு மட்டும் - தமிழில் பெயர் , வினை , பெயரடை , வினையடை , கால இடைநிலைகள் மற்றும் வேற்றுமை உருபுகள...